"Ermənistan qurduğu bu tələyə özü düşəcək”

“Ermənistanın Azərbaycanın Tovuz rayonuna etdiyi hücumu şiddətlə qınayırıq. Azərbaycanın acısı bizim acımızdır, bu acını dərindən hiss edirik”.

Ovqat.com "Milliyet"ə istinadən xəbər verir ki, bunu Türkiyənin Milli Müdafiə naziri Hulusi Akar 15 iyul - Demokratiya və Milli Birlik günü münasibətilə təşkil edilən tədbirdə deyib.

H. Akar azərbaycanlıların bu hücuma qəhrəmanca cavab verdiyini bildirib: “Hücum nəticəsində şəhid olan can qardaşlarımıza Allahdan rəhmət, yaralılarımıza şəfa, qardaş Azərbaycan xalqına isə başsağlığı diləyirik.

Bunu çox dəqiqliklə bildirmək istəyirəm ki, Dağlıq Qarabağı heç bir hüquqi əsas və legitimliyə istinad etmədən işğal edən Ermənistana qarşı Azərbaycanın, azərbaycanlı silahdaşlarımızın sonunadək yanındayıq.

Cənab Prezidentimizin dediyi kimi, bu mənfur hücumu edənlər boylarından böyük işə girişiblər. Ermənistan qurduğu bu tələyə özü düşəcək”.