Bu barədə, İranın hökumət saytları iyulun 23-də məlumat yayıb. Bildirilir ki, Abbas Musəvi İran Xarici İşlər Nazirliyinin sözçüsü olaraq fəaliyyətini qarşıdan gələn sentyabr ayına qədər davam etdirəcək və ardınca İranın Azərbaycandakı indiki səfiri Cavad Cahangirzadəni əvəz edəcək.

Abbas Musəvinin İranın Azərbaycandakı yeni səfiri vəzifəsinə təyin edilməsi, Ermənistanın Tovuz istiqamətindən Azərbaycan ərazilərinə qarşı yeni hərbi  təcavüzündən sonra Azərbaycanın erməni işğalında olan Qarabağ bölgəsi ətrafında regionda baş verən dəyişikliklərə təsadüf edir.

İranın hökumət saytlarının yaydığı xəbərə əsasən, Abbas Musəvi iyulun 23-də Şərqi Aərbaycan əyalətinə səfər edib. Bildirilir ki, səfər zamanı Şərqi Azərbaycan məsulları ilə görüşən Abbas Musəvi, sərhədyanı əyalətlərin qonşu ölkələrlə əlaqələrdə mühüm və əsaslı rol oynamasından danışıb: 

“Şərqi Azərbaycan əyalətinin İranla Azərbaycan Respublikası arasındakı münasibətlərdə özünə məxsus mühüm yeri və yaxşı mövqeyi var. Lakin biz onun bu mövqeyini daha yüksəltməyə çalışmalı və bu əyalətin bütün potensial və imkanlarından istifadə edərək, Azərbaycan Respublikası ilə iqtisadi və ticari əlaqələri inkişaf etdirməyi bacarmalıyıq” -deyə, Abbas Musəvi bəyan edib. gunaz.tv