Xəbər lenti

 
Ermənistanın Tavuş rayonunun Berd şəhərinin polis şöbəsinin arxasında partlayış baş verib.
 
Ovqat.com xəbər verir ki, məlumatı Ermənistanın İstintaq Komitəsi (Baş Prokurorluğu) yayıb. 
 
Komitənin məlumatına görə, 2 avqust 2020-ci il tarixində, saat 4:00 radələrində Tsaxkanots Parkının ərazisindəki Berd polis binasının arxasında güclü partlayış baş verib. Nəticədə binanın divarları və pəncərələri ciddi maddi ziyan görüb.
 
Hadisə yerində aparılan yoxlamalar nəticəsində partlamış qumbara hissələri aşkarlanıb və Cinayət Məcəlləsinin müvafiq maddələrinə əsasən cinayət işi açılıb.
 
Qeyd edək ki, Berd şəhəri son zamanlar hərbi toqquşmaların yaşandığı Tovuz rayonunun sərhədində verləşir.
 


Ana səhifəyə qayıt        Baxış: 3 257          Tarix: 3-08-2020, 14:18      


Paylaş:   

Ən çox oxunanlar