Bakının Binəqədi rayonunun sabiq icra başçısı Xaləddin İsgəndərovun ölkədən çıxdığı bildirilir.

Minval.info-nun xəbərinə görə, bu barədə jurnalist Elçin Rüstəmli məlumat verib.

Görünür, sabiq icra başçısının oğlu Elnur İsgəndərovun adının da işlədiyi zaman yeyinti məsələlərində hallanması vəziyyəti bir az qəlizləşdirib. Xaləddin İsgəndərov oğlu ilə birgə dəmir barmaqlıqlar arxasına düşəcəyinin qoxusunu alıb və özünü sığortalamağa çalışıb.

Onun ailəsi ilə birlikdə Avropa ölkələrindən birinə köçdüyü söylənilir.

Xatırladaq ki, Xaləddin İsgəndərov rəsmən yenicə işdən çıxarılıb və onun həbs olunacağı barədə söz-söhbətlər gəzir.