Lənkəranda ağır yol qəzası nəticəsində yaralananların şəxsiyyəti məlum olub.

"Report" xəbər verir ki, qəza nəticəsində "VAZ-2106" markalı avtomobilin sürücüsü, 1973-cü il təvəllüdlü Liman şəhər sakini Əsgərov Mürsəl Nail oğlu, avtomobildə olan sərnişinlər - onun həyat yoldaşı, 1980-ci il təvəllüdlü Liman şəhər sakini Əsgərova Günel Musa qızı, onların yaş yarımlıq qızları Əsgərzadə Zəhra Mürsəl qızı, sürücünün qaynı uşaqları - 9 yaşlı Boladi kənd sakinləri - Qasımov Əlişan Sənan oğlu və 6-7 yaşlı Qasımova Aylin Məmməd qızı, həmçinin sürücünün baldızı, hamilə vəziyyətində olan 1979-cu il təvəllüdlü Boladi kənd sakini Haşimova Günay Hidayət qızı xəsarət alıblar.

Qəza zamanı yaralananlardan digəri isə "Opel" markalı maşının sürücüsü, Astara sakini Hüseynov Xudaverdi Səxavət oğludur.

*   *   *18:55

Lənkəranda 7 nəfərin xəsarət alması ilə nəticələnən ağır yol-nəqliyyat hadisəsi baş verib.

"Report"un məlumatına görə, hadisə Lənkəranın Liman şəhərində qeydə alınıb.

Belə ki, "42-ZA-220" dövlət nömrə nişanlı "VAZ-2106" markalı maşın "99-DK-328" dövlət nömrə nişanlı "Opel"lə toqquşub. Nəticədə "VAZ 2106"da olan üç azyaşlı, iki qadın və sürücü ağır xəsarət alıb.

Qeyd edək ki, hadisə zamanı xəsarət almış qadınlardan biri hamilədir.

Hadisə zamanı, həmçinin "Opel" markalı avtomobilin sürücüsü də yaralanıb.

Yaralılar yerli sakinlərin köməyi ilə deformasiyaya uğramış avtomobildən çıxarılıb. Hadisə yerinə təcili yardım və polis əməkdaşları cəlb edilib.