Bakının Yasamal rayonunda bıçaqlanma hadisəsi baş verib.

"Report" xəbər verir ki, insident Dadaş Bünyadzadə küçəsində yerləşən "Xəmirçi" kafesində qeydə alınıb.

Müəssisənin iki əməkdaşı arasında mübahisə olub. Onlar bayıra çıxaraq münasibətlərini ayırd etməyə başlayıblar. Bu zaman tərəflərdən biri digərinə bıçaqla xəsarət yetirib. Zərərçəkmiş 18 yaşlı Məmmədov Vüqar İbrahim oğlu 1 saylı Kliniki Tibbi Mərkəzə aparılıb. Həkimlər onun vəziyyətini orta-ağır qiymətləndirirlər.

Faktla bağlı Yasamal Rayon Polis İdarəsinin 29-cu Polis bölməsinə məlumat verilib. Araşdırma aparılır.