Xəbər lenti

 

Ukrayna Xarici İşlər Nazirliyi Ukrayna vətəndaşlarına Dağlıq Qarabağ, Abxaziya və Tsxinvali bölgəsi / Cənubi Osetiya, eləcə də ətraf ərazilərə baş çəkmək qərarına gəldikdə Azərbaycan Respublikası və Gürcüstan qanunvericiliyini rəhbər tutmağı tövsiyə edir.

APA-nın məlumatına görə, bu barədə Ukrayna XİN-in rəsmi internet saytında məlumat yer alıb.

Məlumatda bildirilir ki, tərəfdaş ölkələrin təkrar müraciətləri ilə əlaqədar olaraq Xarici İşlər Nazirliyinin saytında Ukrayna vətəndaşlarının xarici ölkələrin ərazisinə giriş-çıxış qaydaları barədə məlumatlar yerləşdirilib.

Buraya xüsusən Dağlıq Qarabağın (Azərbaycan Respublikası) işğal edilmiş ərazisinə və ətraf ərazilərə daxil olmaq qaydası, həmçinin Abxaziya və Tsxinvali bölgəsinə / Cənubi Osetiyaya (Gürcüstan) daxil olmaq qaydası daxildir.

Qeyd olunur ki, Ukrayna beynəlxalq səviyyədə tanınmış sərhədləri daxilində Azərbaycan Respublikasının və Gürcüstanın suverenliyini və ərazi bütövlüyünü dəyişilməz qaydada dəstəkləyir.

Bu qanunun pozulması inzibati və cinayət məsuliyyətinə səbəb ola bilər.




Ana səhifəyə qayıt        Baxış: 82          Tarix: 28-09-2019, 09:20      


Paylaş:   

Ən çox oxunanlar