Rusiya sülhməramlılarının Dağlıq Qarabağda yerləşdirilməsi uzunmüddətli perspektivdə bölgədə sülhü təmin edəcək.

Azvision.az xəbər verir ki, Rusiya Federasiya Şurasının Müdafiə və təhlükəsizlik Komitəsinin rəhbəri Viktor Bondaryev TASS-a müsahibəsində deyib.
“Rusiya ilk dəfə deyil ki, ən yaxın qonşularımız arasındakı münaqişənin nizamlanmasında həlledici rol oynayır. Hər iki tərəfə dərin hörmət bəsləyirik və onlara yalnız firavanlıq diləyirik",- deyə Bondaryev əlavə edib.

Onun fikrincə, Rusiya, Ermənistan və Azərbaycan arasındakı üçtərəfli razılaşma Dağlıq Qarabağdakı müharibəyə son qoydu və daha çox qan tökülməməsini təmin etdi.

Bondaryev hesab edir ki, Dağlıq Qarabağdakı müharibənin bitməsindən hər kəs qazanır: “Ümid edirik ki, bu, uzun illərdir davam edən qarşıdurmanın dönüş nöqtəsi olacaq, eyni zamanda bölgədə davamlı sülhün bərqərar olması üçün ilkin şərtlər yaradacaq. Əminəm ki, rus sülhməramlıları öz vəzifələrini şərəf və ləyaqətlə yerinə yetirəcəklər".