Ermənistan silahlı qüvvələri Baş Qərargahının rəisi Onik Qasparyanın vəzifəsindən kənarlaşdırılmasına dair Baş nazir Nikol Paşinyanın təklifi Ermənistan prezidenti Armen Sarkisyanın ofisinə təqdim olunsa da, prezident qərar verməyə tələsmir
Ermənistanın baş naziri Nikol Paşinyanın istefasını tələb edən müxalifət isə İrəvanın Baqramyan prospektində üç çadır qurub.

"AzPolitika.info" erməni mətbuatına istinadən xəbər verir ki, parlament binasının qarşısında da bir neçə kiçik çadırlar qurulub.

Onlar bildirirlər ki, Paşinyanın istefası barədə tələbləri yerinə yetməyənədək buradan heç yerə getməyəcəklər. Baqramyan prospektində etdiyi çıxışda müxalif “Vətənin xilası” hərəkatının baş nazirliyə namizədi Vazgen Manukyan Paşinyanın dialoq barədə təklifi haqqında suala cavab verərkən deyib ki, Baş nazirlə hər hansı məsləhətləşmə aparılmasında məna görmür.

O, bildirib ki, hər hansı dialoqun bir məsələsi ola bilər, o da Paşinyanın istefasıdır.