ABŞ İranın nüvə proqramı üzrə Birgə Hərtərəfli Fəaliyyət Planının bərpasına dair danışıqları ən azı noyabr seçkilərinə qədər dayandıra bilər.

Bu barədə avropalı diplomatik mənbədən bildirilib.

Məlumata görə, Vaşinqton administrasiyasının ABŞ-da noyabrda keçiriləcək aralıq seçkilər təyin olunana qədər İranla nüvə sazişinin bərpası məsələsini müzakirə edəcəyi ehtimalı çox azdır.

ABŞ qanunlarına görə, Konqresə İrana qarşı sanksiyaların ləğvi ilə bağlı mümkün planlar barədə 30 gün əvvəldən xəbərdarlıq edilməlidir, beləliklə, potensial olaraq qeyri-populyar razılaşma oktyabrın ortalarında, noyabrın 8-də keçiriləcək seçkilərdən bir qədər əvvəl gündəmə gətirilə bilərdi. Avropalı mənbə və İsrail rəsmiləri ABŞ Prezidenti Co Baydenin, yəqin ki, belə bir ssenaridən yayınmağa üstünlük verdiyini və İran məsələsi ilə bağlı müzakirələri daha sonrakı tarixə təxirə salacağını bildirirlər.

Mənbə: The Jerusalem Post