Ermənistanda yeni seçkilər Qərbə niyə lazımdır? Onlar burada anti-Rusiya əhval-ruhiyyəsinin zirvə nöqtəyə çatdığını qeyd ediblər və bunu reallaşdırmağa çalışacaqlar. Anti-Rusiya əhval-ruhiyyəsini effektiv şəkildə kapitallaşdırmaq üçün yeni siyasi reallıq, yeni formasiya lazımdır və Qərb buna can atacaq.

Musavat.om erməni mediasına istinadən xəbər verir ki, bu barədə alternativ layihələr qrupunun üzvü Vahe Ovannisyan öz məqaləsində yazıb.

Ovannisyana görə, Ermənistanda Rusiya əleyhinə aparılan siyasət iki məqsədə xidmət edir

Rusiya ilə institusional əlaqələrin kəsilməsi,

Rusiya kapitalının Ermənistandan köçürülməsi.

“Hər iki proses indi sürünən sürətlə gedir, lakin sürət kəskin şəkildə arta bilər. İndi, necə deyərlər, bütün kartları əllərində saxlayırlar. Rusiya kapitalı (Rusiya ermənilərinin kapitalı da daxil olmaqla) başa düşməlidir ki, bütün bunlar konkret olaraq onlara aiddir və tezliklə çox spesifik nəticələrə – mədənlərin, bankların, zavodların, energetika müəssisələrinin və s. sahiblərinə təsir edəcək”,-deyə Ovannisyan yazıb.