Ermənistan Baş naziri Nikol Paşinyan 1991-ci il Almatı Bəyannaməsi əsasında Azərbaycan və Ermənistanın sərhəd xəttinin çəkilməli olduğu barədə aylardır təkrarladığı mövqeyinə aydınlıq gətirib.

Axar.az xəbər verir ki, bu barədə Paşinyan Tavuş bölgəsinə səfəri zamanı Azərbaycanın 4 anklav olmayan kəndi tələb etməsi haqda danışarkən deyib.

O bildirib ki, Almatı Bəyannaməsinə istinad sərhədin sıfırdan çəkilməsinə qarşı əsasdır:

“Biz deyirik ki, bu razılaşma o deməkdir ki, sərhədi sıfırdan çəkməməliyik”.

Paşinyan qeyd edib ki, əgər sərhədlərin yenidən çəkilməsi məntiqinə girsək, bütün sərhədlərimizi itirəcəyik.