Ermənistanda sentyabrın 20-də keçiriləcək hakim “Vətəndaş sazişi” Partiyasının növbəti qurultayında yeni idarə heyəti də seçiləcək.

Musavat.com erməni mediasına istinadla xəbər verir ki, idarə heyətinə 20 yer uğrunda 42 namizəd irəli sürülüb. 

Müxalifyönlü “Hraparak” qəzetinin yazdığına görə, idarə heyətini qurultayda iştirak edəcək 100 nümayəndə deyil, Nikol Paşinyan müəyyənləşdirir. Namizədlərin hərəkətləri əsasən onun razılığını qazanmağa yönəlib.

Məlumata əsasən, Paşinyan yaxın ətrafı vasitəsilə nümayəndələrə hansı idarə heyətini görmək istədiyini “pıçıldayıb”. Nəticədə qurultay nümayəndələri artıq “kimi seçmək, kimi isə seçməmək lazım olduğunu” yaxşı bilirlər.