Ermənistanda benzin və dizel yanacağının bahalaşmasından sonra ictimai nəqliyyatda və taksidə gediş haqqı mütləq bahalaşacaq.

Trend-in məlumatına görə, bunu "Sürücü Hüquqlarının Müdafiəçiləri Liqası" ictimai təşkilatının sədri Tiqran Hovannisyan deyib.

Onun fikrincə, əgər benzin və dizelin qiymətləri aşağı salınmasa, bununla bağlı vəziyyət nəzarətdən çıxa bilər:

"Hər dəfə enerjidaşıyıcıları bahalaşarkən sərnişindaşıma tariflərinin olduğu kimi qalması sürücülərin haqlı narazılığına səbəb olur".//Trend

Xatırladaq ki, yanvarın 1-dən Ermənistanda benzin, qaz və dizel yanacağı bahalaşıb.