Ukrayna Prezidenti Volodimir Zelenski Ukraynada münaqişə bitdikdən sonra postunu tərk etməyə hazırdır.

Oxu.Az-ın xəbərinə görə, Zelenski bu barədə "Axios" nəşrinə müsahibəsində bildirib.

Ukrayna liderinin sözlərinə görə, münaqişənin nizamlanması halında o, Ukraynada seçkilərin keçirilməsinə nail olmağa hazırdır.

"Mən seçkilərə getməməyə hazıram, çünki mənim məqsədim seçkilər deyil. Mən bu çox çətin zamanda ölkəmin yanında olmağı, ölkəmə kömək etməyi çox istəyirəm", - deyə Zelenski qeyd edib.