Suriyada və Aralıq dənizinin şərqində baş verən proseslər Türkiyə üçün xüsusi əhəmiyyətli məsələlərdir.

Bu prosesləri seyr etməklə kifayətlənmək niyyətində deyilik.

Bu fikirləri Türkiyə Prezidenti Rəcəb Tayyib Ərdoğan sədrlik etdiyi Ədalət və İnkişaf Partiyasının Konya vilayət toplantısında ifadə edib. Prezident diqqətə çatdırıb ki, Türkiyə Fərat çayının şərqini terrorçulardan təmizləməkdə qərarlıdır.

Qeyd edək ki, Türkiyə və ABŞ Fərat çayının şərqini terrorçulardan təmizləməkdə, o cümlədən Suriya ilə dövlət sərhədi boyunca təhlükəsizlik zolağının təmin edilməsində israrlıdır. (AZƏRTAC)