NATO-nun ilk pilotsuz hava kəşfiyyatı sistemi Rusiyanın daxili ərazilərinə nəzər yetirməyə imkan verəcək.

Axar.az xəbər verir ki, bunu NATO Baş katibi Yens Stoltenberq deyib. O, bu dronların Rusiyanın 200 kilometrliyinə qədər daxil olmaq imkanına sahib olduğunu bildirib.

Stoltenberq bu sistemlərin NATO-ya qonşu ölkələrdə baş verənləri görməyə imkan verəcəyini açıqlayıb.

Baş katibin sözlərinə görə, əgər NATO 2014-cü ildə bu imkanlara sahib olsa idi, o zaman Rusiyanın Krımı anneksiya etmə zamanı haqqında dəqiq informasiya əldə edəcəkdi.