İranın Xarici İşlər naziri Məhəmməd Cavad Zərif Türkiyədə səfərdədir.
 
Modern.az-ın məlumatına görə, Türkiyənin Xarici İşlər naziri Mövlud Çavuşoğlu ilə nazir Məhəmməd Cavad Zərif arasında görüş keçirilib. Sonra nazirlər birgə mətbuat konfransı keçiriblər. İkitərəfli münasibətlər və regional proseslərə dair mövqelərini açıqlayan nazirlər jurnalistlərin suallarını cavablandırıblar.
 
Nazir Mövlud Çavuşoğlu bildirib ki, yeni növ koronavirus (COVID-19) pandemiyası səbəbindən iki ölkə arasında dayandırılan aviareyslər avqustun 1-dən bərpa oluna bilər.
 
Nazir Məhəmməd Cavad Zərif COVID-19 epidemiyası ilə mübarizədə İran xalqına göstərdiyi dəstəyə görə Türkiyəyə minnətdarlığını ifadə edib.