Bəhreyn hökuməti koalisiya tərkibindəki Qətər hərbi qüvvələrinin ölkəni tərk etməsi üçün 48 saat vaxt verib.

Axar.az xəbər verir ki, bu barədə RİA etibarlı mənbəyə istinadən məlumat yayıb.

“Bəhreyn rəsmiləri bildirdilər ki, amerikalı generalın əmri altında olan qətərli hərbçilər ölkəni tərk etməlidirlər. Hələ ki, qətərli əsgərlər hərbi bazadadır. Lakin 2 gün ərzində onların ölkəni tərk edəcəkləri gözlənilir”, - məlumatda bildirilib.

Qeyd edək ki, 2014-cü ildən bəri terrorizmlə mübarizə çərçivəsində qətərli hərbçilər ABŞ-ın başçılıq etdiyi koalisiya ilə birgə Bəhreyndə xidmət keçir.