Xəbər lenti


ABŞ-ın yeni seçilmiş prezidenti Cozef Bayden Kolumbiya Dairəsi Apellyasiya Məhkəməsinin baş hakimi Merrik Qarlandı baş prokuror vəzifəsinə namizəd göstərib.

“Report” xəbər verir ki, bu barədə Bayden ofisinin açıqlamasında deyilir.

Bəyanatda Liza Monakonun da baş prokuror müavini vəzifəsinə namizəd göstərildiyi qeyd olunub.

Qarland sabiq prezident Barak Obama tərəfindən prezidentliyinin son ilində (2016) Ali Məhkəməyə namizəd göstərilməsi, ancaq respublikaçıların onun namizədliyini müzakirə etməkdən belə imtina etməsi ilə tanınır.

Qeyd edək ki, ABŞ baş prokuroru Ədliyyə Nazirliyinə rəhbərlik edir və eyni zamanda FTB də daxil olmaqla, bir sıra xüsusi xidmət orqanlarını koordinasiya edir.



Ana səhifəyə qayıt        Baxış: 2 364          Tarix: 7-01-2021, 19:09      

Xəbəri paylaş


Paylaş:   

Prizma