Xəbər lenti
ABŞ-ın Dövlət katibi Mayk Pompeo və Avropa İttifaqı Şurasının sәdri Çarls Mişel rus müxalif siyasətçi Aleksey Navalnının saxlanılması ilə bağlı rəsmi Moskvanı tənqid edib.

Pompeo açıqlamasında Rusiyanı şiddətlə qınadığını qeyd edib: “ABŞ Aleksey Navalnının Rusiyada tutulmasını şiddətlə qınayır. Biz Navalnının dərhal və qeyd-şərtsiz sərbəst buraxılmasını tələb edirik”.
Həmçinin Pompeo seçki prosesi zamanı Rusiyadakı bütün siyasi partiyalara və namizədlərə yer verilməli olduğunu vurğulayıb.

Mişel isə siyasətçinin həbsinin qəbuledilməz olduğunu bəyan edib: “Rusiya hakimiyyətini Navalnıyı dərhal sərbəst buraxmağa çağırıram”.

Bundan əlavə, Aİ-nin xarici və təhlükəsizlik məsələləri üzrə ali nümayəndəsi Cozef Borel eyni çağırışı sosial media mesajında təkrarlayıb və Navalnının hüquqlarına hörmət edilməli olduğunu bildirib. O, “mühakimənin siyasiləşdirilməsi qəbuledilməzdir”,- deyə yazıb.
/virtualaz.org/



Ana səhifəyə qayıt        Baxış: 2 550          Tarix: 18-01-2021, 10:35      


Paylaş: