Almaniyanın İstanbuldakı baş konsulluğuna daxil olan bağlama böyük təşviş yaradıb.

Türkiyə KİV-lərinin məlumatına görə, bu diplomatik nümayəndəliyin təhlükəsizliyinə cavabdeh olan şəxslər kuryerin gətirdiyi bağlamadan şübhələnərək araşdırma üçün polisə müraciət ediblər. Əraziyə fövqəladə hallar üzrə mütəxəssislər cəlb olunub. Təhlükəsizlik məqsədilə bir neçə saat baş konsulluğun ərazisinə giriş-çıxış bağlanıb.

Bağlamada partlayıcı olmadığı bildirilsə də, hələlik onun içində nə olduğu və kim tərəfdən göndərildiyinə dair məlumat verilməyib. (AZƏRTAC)