Onun fikrincə, 20 illik müharibədən sonra qoşunları geri çəkmək qərarı tamamilə haqlı idi, lakin Bayden administrasiyasının uzaqgörənlik siyasətinin olmaması əsl fəlakətə gətirib çıxartdı - səfirlik işçilərini təxliyə etmək üçün Kabilə təxminən 3000 əsgər göndərməli oldu.

"Vəziyyət ona çatdı ki, ABŞ-ın BMT-dəki səfiri Zalmay Xalizad Talibandan paytaxtda yaraqlıların hücumu baş versə səfirliyə hücum etməməyi xahiş etdi", - deyə Uord yazıb. Müəllif vurğulayıb ki, ABŞ Əfqanıstanın Taliban tərəfindən ələ keçiriləcəyini əvvəlcədən güman edirdi, lakin yaraqlıların bütün ölkəni belə sürətlə ələ keçirəcəyini təsəvvür edə bilməzdi.

Daha əvvəl bildirildiyi kimi, ABŞ-ın Kabildəki səfirliyinin əməkdaşlarına gizli sənədləri, habelə Amerika şöbələrinin dövlət bayrağını və ya loqotiplərini əks etdirən əşyaları məhv etməklə bağlı tapşırıq verilib. Diplomatik korpusdakı mənbələr qeyd edirlər ki, kəşfiyyat məlumatlarına əsasən, yaxın üç-yeddi gün ərzində Kabilin Taliban tərəfindən təcrid olunacağı istisna olunmur.

Azpolitika.info