Əfqanıstanı tərk edən prezident Əşrəf Qani Birləşmiş Ərəb Əmirliklərində xəstəxanaya yerləşdirilib. 

TASS xəbər verir ki, bu barədə Əfqanıstan xarici işlər nazirinin keçmiş köməkçisi məlumat yayıb. Onun sözlərinə görə, hazırda Qani Əbu-Dabi xəstəxanalarının birində müalicə alır.

Xatırladaq ki, avqustun 15-də “Taliban” silahlıları Kabilə daxil olduqdan sonra Əfqanıstan prezidenti Əşrəf Qani həyat yoldaşı, övladları və iki köməkçisi ilə birgə paytaxtı tərk edib.
***
18:13
Ölkədən çıxan Əfqanıstan Prezidenti Əşrəf Qani və ailəsinin yeri məlum olub. Reuters xəbər verir ki, devrilmiş Prezident Birləşmiş Ərəb Əmirliklərindədir. Bu barədə həmin ölkənin Xarici İşlər Nazirliyi açıqlama yayıb.

Bildirilib ki, Əşrəf Qani ailəsi ilə BƏƏ-yə qaçıb. 
Xatırladaq ki, "Taliban" Əfqanıstana nəzarəti ələ keçirəndən sonra Ə.Qani ölkəsini tərk etmişdi. 

virtualaz.org