Bir qrup nümayişçi Haaqada kimyəvi silahların qadağan edilməsi üzrə beynəlxalq təşkilatın binasına daxil olmağa cəhd edib.

Niderland polisindən verilən məlumata görə, 50-yə yaxın etirazçı saxlanılıb.

Əsasən kürd mənşəli nümayişçilər Türkiyə ordusunu Şimali İraqda kimyəvi silahdan istifadə etməkdə ittiham edib.

Saxlanılanlardan biri bildirib ki, beynəlxalq qurumun binasına daxil olmaq cəhdi diqqəti problemə cəlb etmək məqsədi daşıyıb.

Onun sözlərinə görə, Türkiyə təkcə aprel ayından bu yana kürdlərə qarşı ən azı 300 dəfə kimyəvi silahdan istifadə edib.

Qeyd edək ki, etirazçıların səsləndirdiyi fikirlər əsassız və heç bir sübutu olmayan iddialardır.

Mənbə: TASS