“Qərb Rusiyadan öz ərazisindəki qoşunları “kazarmalara yeritməyi” tələb edərək həddini aşır, özü isə Baltikyanı və Şimali Avropa ölkələrində, eləcə də Qara və Azov dənizlərində hərbi bazalar yaradır”. 
 
Ovqat.com xəbər verir ki, Rusiyanın Xarici İşlər naziri Sergey Lavrov Rusiya diplomatiyasının 2021-ci ildəki fəaliyyətinin yekunlarına dair mətbuat konfransında belə deyib.
 
“Bizdən öz ərazimizdəki kazarmalara qoşun yeritməyi tələb edən amerikalılar, kanadalılar, ingilislər buna paralel olaraq daimi rotasiya (belə şərti rotasiya) adı altında Baltikyanı dövlətlərdə praktiki olaraq məskunlaşdılar. Şimali Avropanın digər ölkələri, Qara dənizdə, ingilislər isə Ukraynada və Azov dənizində baza tikirlər - bu, qəti şəkildə bizim maraqlarımıza uyğun deyil. Bu məqbul yanaşma sayıla bilməz”, - Lavrov bildirib.
Xatırladaq ki, ABŞ dövlət katibinin müavini Vendi Şerman bir neçə gün bundan əvvəl Rusiyalı həmkarı Sergey Ryabkovla görüş ərəfəsində bu bəyanatla çıxış etmişdi. Xanım diplomat bildirmişdi ki, Rusiya qoşunlarının Ukrayna ilə sərhədə yaxın yerdə cəmləşməsi münaqişəyə səbəb ola bilər.
 
Lavrov ABŞ-ın bu tələbləri qəbuledilməzdir və Moskva hətta bunları müzakirə etməyə belə hazır deyil.