Almaniyanın tırtıllı və təkərli zirehli maşın istehsalı üzrə ixtisaslaşan Krauss-Maffei Wegmann (KMW) şirkəti Ukraynanı 100 ədəd “Panzerhaubitze 2000” tipli özüyeriyən haubitsa, eləcə də hələlik müəyyənləşdirilməmiş sayda silahlarla gücləndirilmiş "GTK Boxer" (8x8) tipli təkərli zirehli personal daşıyıcıları ilə təchiz etməyi planlaşdırır.
 
Ovqat.com xəbər verir ki, məlumatı alman mediası yayıb.
 
Bildirildiyinə görə, Almaniya və Ukrayna Müdafiə Nazirliyi arasında bu barədə razılıq əldə olunsa, həmin texnikalar 1,7 və 1,2 milyard avro dəyərində qiymətləndiriləcək.
 
Məlumatda diqqəti cəkən əsas məqam isə ondan ibarətdir ki, alman şirkəti Ukraynaya satacağı bu texnikaların tədarükünə 2024-cü ilin yarısından tez başlamayacaq. Belə çıxır ki, almanlar Ukraynadakı savaşın 2024-cü ilin ikinci yarısından sonra da davam edəcəyinə inanırlar.