Ovqat.com Publika.az-a istinadən xəbər verir ki, Rusiya Xarici İşlər Nazirliyi mətbuat katibi Mariya Zaxarova bildirib ki, rəsmi Vaşinqton dekabr ayında deportasiya edilən Rusiya Səfirliyinin işçilərinin yerinə gələcək diplomatlara viza verməyi rədd edib.

Zaxarova mətbuat konfransında acıqlı görsənib: "Vaşinqton bizim səlahiyyətlilərimizin deportasiya edilmə qərarını ləğv etmək əvəzinə, onların yerinə gələcək diplomatlara da viza verməkdən imtina etdi" - deyə, o, bildirib.

Xatırladaq ki, Obama rəhbərliyi 29 dekabr 2016-cı il tarixində yeni sanksiya paketi çərçivəsində 35 rus diplomatın ölkədən deportasiya edilməsinə qərar verib. Bundan başqa, ABŞ Rusiya Səfirliyinin iki yaşayış binasına girişinə də qadağa qoyub.