Samsun şəhərinin Canik qəsəbəsində dondurma sexində partlayış baş verib.

“Qafqazinfo” NTV-yə istinadən xəbər verir ki, qaz balonlarının partlaması səbəbindən çıxan yanğın nəticəsində sexə bitişik obyektlər və yaxınlıqdakı avtomobillər də yanıb.

Partlayış o qədər güclü olub ki, evlərin və iş yerlərinin şüşələri də qırılıb.

Hadisə zamanı 11 nəfər yaralanıb, digər insanlar təxliyyə edilib. Yanğın uzun tədbirlərdən sonra söndürülüb.

Faktla bağlı araşdırma aparılır.