"Terrorçu İŞİD qruplaşmasına qarşı mübarizədə İraqın şimalındakı muxtar hökumətin “peşmərgə” adlı silahlılarının heç bir rolu olmayıb".

“Report” xəbər verir ki, bunu İraqın vitse-prezidenti müavini, keçmiş baş nazir Nuri əl-Maliki “RİA Novosti”yə müsahibəsində bildirib.

“Məsud Barzani (İraqın Şimalındakı muxtariyyətin başçısı –“Report”) xəyalpərəstdir. O yaxşı bilir ki, İŞİD-ə qarşı mübarizədə “peşmərgə”nın heç bir rolu olmayıb. İraq, İran və ABŞ-ın hərbi yardımı olmasaydı, Ərbili (muxtariyyət bu şəhəri özünə paytaxt elan edib- “Report”) də İŞİD ələ keçirəcəkdi. Onların (muxtariyyəti nəzərədə tutur- “Report”) real gücü yoxdur”, -deyə vitse-prezident vurğulayıb.

Qeyd edək ki, İraqın şimalında kürd muxtariyyəti 2005-ci ildə ölkə konstitusiyasında təsbit olunub. Bu il sentyabrın 25-də isə onlar müstəqillik haqda referendum keçirməyi planlaşdırıblar.