Dünyanın ən güclü və məğlubedilməz ordularından hesab edilən ABŞ ordusu əslində göründüyü qədər iradəli və sağlam deyilmiş. Bu orduda vəzifədə olan əsgərlərin intihara cəhd faktlarının sayı dünyanı təəccüb içində qoyur.

Publika.az xəbər verir ki, psixoloji problemlərlə bağlı araşdırmalar aparan “JAMA” dərgisi ABŞ ordusundakı əsgərlərin psixoloji sağlamlığı haqqında məqalə dərc edib.

ABŞ-ın Mariland Şəhərində yerləşən Səhiyyə Xidmətləri Universitetindəki psixiatorlar 2004-2009-cu illər arasında ABŞ ordusunda xidmət göstərən əsgərlər haqqında analiz araşdırma əməliyyatı aparıb.

Araşdırmada ABŞ ordusunda 5 il ərzində 9512 əsgərin intihara cəhd etdiyi aşkar edilib. Ordudakı əsgərlərdən intihar etmək istəyənlərin 86%-nin kişi, 68%-nin 30 yaşdan gənc, 60%-nin ağ dərili olduğu ortaya çıxıb.

Həmçinin, İraq və Əfqanıstanda döyüşən ABŞ əsgərlərinin 2001-2011-ci illərdə müharibənin getdiyi zamanlarda intihar cəhdlərinin əvvəlki illərə nisbətən ikiqat artdığı faktı təsbit edilib.

2011-2015-ci illər arasında vəzifədən sui-istifadə səbəbilə ordudan göndərilən 91 764 əsgərin 57 141-nə travma sonrası stress pozğunluğu diaqnozu qoyulub.