Rusiyanın qızılla rezervləri 2,1 milyard dollar, yaxud 0,5 faiz artıb.

Oxu.Az Rusiya mətbuata istinadən xəbər verir ki, qızılla rezervlərin həcmi 414,7 milyard dollara çatıb. 

Qeyd edək ki, iyunun 5-də Rusiya Mərkəzi Bankının sədri Elvira Nabiullina ölkənin beynəlxalq valyuta ehtiyatlarının həcmini 500 milyard dollara çatdırmağı qərarlaşdırdıqlarını açıqlamışdı.

“Thomson Reuters”in məlumatlarına əsasən, Rusiya qızıl ehtiyatlarında artım həcminə görə dünya mərkəzi bankları arasında liderdir. Rusiya Bankı 2016-cı ildə 201 ton qiymətli metal alıb.