“Ukrayna Silahlı Qüvvələri hazırda cəbhədə çox çətin vəziyyətdədir”.

Bu açıqlama ilə NATO Baş katibi Yens Stoltenberq çıxış edib.

O vurğulayıb ki, Ukrayna ordusunun çətinlik çəkməsi, həmçinin, NATO ölkələrinin Kiyevə lazımi miqdarda silah tədarük etməməsi ilə bağlıdır.

Y.Stoltenberq Avdeyevkanın Ukrayna ordusunun nəzarətindən çıxmasına da toxunub.

“Biz rusların bəzi nailiyyətlərini, o cümlədən Avdeyevkanın ələ keçirilməsini də gördük. Bu, ciddi məsələdir”.

NATO baş katibi Alyans üzvlərini Kiyevə dəstəyi gücləndirməyə çağırıb.

Xatırladaq ki, fevralın 17-də Ukrayna Silahlı Qüvvələrinin Baş Komandanı Aleksandr Sırski qoşunların Avdeyevkadan çıxarılması barədə qərar qəbul edib.

Mənbə: TASS