ABŞ və Yaponiya hipersəs silahları “ələ keçirən” qurğunun yaradılması haqqında saziş imzalayıblar.

“Report” xəbər verir ki, bu barədə ABŞ Müdafiə Nazirliyi məlumat yayıb.

Nazirliyin məlumatına görə, Yaponiya bu qurğunun hazırlanması üçün raket mühərrikləri və hərəkətverici komponentlər hazırlayacaq.

Pentaqonun mətbuat xidmətinin məlumatına görə, ABŞ və Yaponiya hipersəs silahları “ələ keçirən” qurğunun birgə hazırlanmasına dair sazişlərin hazırlanmasını başa çatdırıb və onu imzalayıblar.

Xatırladaq ki, Yaponiya və ABŞ ötən il Baş nazir Fumio Kisida ilə Prezident Co Bayden arasında keçirilən görüşdə hipersəs silahların “ələ keçirilməsi” üçün yeni raketin hazırlanması barədə razılığa gəliblər.