ABŞ Silahlı Qüvvələrinin Mərkəzi Komandanlığı (CENTCOM) ölkə Prezidenti Donald Trampa İranın nüvə problemi ilə bağlı bir sıra hərbi həll variantlarını təqdim edib.

Oxu.Az "Azad İran"a istinadən xəbər verir ki, bu barədə ABŞ Mərkəzi Komandanlığının rəhbəri Maykl Kurilla ABŞ Konqresinin Nümayəndələr Palatasının Silahlı Qüvvələr Komitəsinin dinləmələri zamanı məlumat verib.

Kurilla bildirib ki, o, Trampa və müdafiə naziri Heqsetə İranın nüvə problemi ilə mübarizə aparmaq üçün geniş hərbi variantlar təqdim edib.

Onun sözlərinə görə, ABŞ-nin Tehranın nüvə silahı əldə etməsinin qarşısını almaq üçün strateji imkanları var.

Kurilla qeyd edib ki, ABŞ prezidentin əmri ilə bu məqsədlə güc tətbiq etməyə hazırdır.