İsraillə atəşkəsdən sonra Çinin İrana qabaqcıl zenit-raket sistemləri (SAM) ötürdüyü ilə bağlı yayılan xəbərlərə cavab olaraq, Pekinin İsraildəki səfirliyi rəsmi açıqlama verib.

"Azad İran" "Telegram" kanalı xəbər verir ki, məlumatı İsrail KİV yayıb.

Səfirlik bu məlumatları "yanlış və əsassız" adlandıraraq təkzib edib.

İsrailin "İsrael Hayom" qəzetinə açıqlamasında səfirlik bildirib ki, Çin kütləvi qırğın silahlarının və onların çatdırılma vasitələrinin yayılmasına qəti şəkildə qarşı çıxır və hərbi məhsulların ixracına ciddi nəzarət edir.

Rəsmi Pekin vurğulayıb ki, müharibə vəziyyətində olan ölkələrə silah ixrac etmir və BMT Təhlükəsizlik Şurasının daimi üzvü olaraq bu məsələdə məsuliyyətli davranır.