Bir neçə gün əvvəl dünyanın 74 ölkəsinə kiberhücum edilərkən “VannaKray” virusunun qarşısını alaraq 100 mindən çox kompüteri xilas edən gəncin ingiltərəli Mark Hatçins olduğu üzə çıxıb.

Ovqat.com Axar.az-a istinadən xəbər verir ki, bu barədə İngiltərənin “Deyl Meyl” qəzeti məlumat yayıb.

Gözlənilən yeni hücumun qarşısını almaq üçün ABŞ Milli Təhlükəsizlik Agentliyi ilə çalışan Hatçins hakerlerin ondan intiqam alacağından narahat olduğunu bildirib.

Qeyd edək ki, mayın 24-də dünyanın 74 ölkəsi kiberhücuma məruz qalıb. FTB-nin məlumatına görə isə dünyanın 150 ölkəsindən 200.000 kompüter ziyan çəkib.