Bakı şəhəri, Xətai rayonunda yerləşən “Abşeron Zeytun” MMC-yə məxsus bağda gözətçi Bağır Piriyevi döyərək öldürən 2 nəfər tutulub.

“Report”un xəbərinə görə, həmin şəxslər Bakı şəhər sakinləri Ramil və Kənan Ağayev qardaşlarıdır.

Faktla bağlı rayon prokurorluğunda cinayət işi açılıb.

Qeyd edək ki, ilkin məlumata görə, qardaşlar bağda zeytun oğurluğu edən zaman B.Piriyevlə onlar arasında mübahisə düşüb. Mübahisədən zamanı Ağayev qardaşları bağbanı döyüblər. Ağır xəsarətlər alan B.Piriyev vəfat edib.