“Ukrayna Rusiya ilə müharibədə qalib gələ bilər, bunun üçün NATO müttəfiqləri ona hərbi yardımlarının həcmini artırmağa davam etməlidirlər”.
 
Ovqat.com xəbər verir ki, NATO-nun Baş katibi Yens Stoltenberq mətbuat açıqlamasında bildirib.
 
NATO Baş katibinin Rusiyanın Ukraynadakı müharibəsi Moskvanın planlaşdırdığı kimi getmir: “O, Kiyevi ala bilmədi. Ruslar Xarkov yaxınlığından geri çəkilirlər, onların Donbassdakı əsas hücumu da dayanıb. Rusiya öz strateji məqsədlərinə çata bilmir”, - Stoltenberq vurğulayıb.
 
O, həmçinin əlavə edib ki, ukraynalılar vətənlərini mərdliklə müdafiə edirlər. Stoltenberqin fikrincə, bu məsələdə NATO ölkələrinin də böyük xidmətləri var, çünki Ukraynalılar müqavimət göstərə bilsinlər deyə, NATO müttəfiqləri milyardlarla dollar dəyərində təhlükəsizlik yardımı ayırıb və artıq həmin vasitələr rəsmi Kiyevə çatdırılıb.
 
“NATO Ukraynaya güclü dəstəyini ifadə edir, ona görə də müharibənin uzunmüddətli nəticələrinin qarşısını almaq, o cümlədən Rusiyaya qarşı gələcək mövqeyimizi möhkəmləndirmək üçün NATO-nun müdafiə sahəsində daha da güclənməsi zəruridir”, - Yens Stoltenberq fikrini yekunlaşdırıb.
 
Ovqat.com