Azərbaycan Mərkəzi Bankının (AMB) valyuta ehtiyatları bu il mayın 1-nə 5 465,8 mln. ABŞ dolları təşkil edib.

“Report” AMB-yə istinadən xəbər verir ki, bu, aprelin 1-i ilə müqayisədə 42,2 mln. manat və yaxud 0,77% azdır. İlin əvvəlinə nisbətən isə qurumun valyuta ehtiyatları 131,2 mln. dollar və 2,46%, son 1 ildə isə 1 033,1 mln. dollar və yaxud 23,31% artıb.

Xatırladaq ki, AMB-nin valyuta ehtiyatları 2016-cı ilin dekabr ayından bəri ilk dəfədir ki, azalma nümayiş etdirir.

Maliyyə Bazarlarına Nəzarət Palatasının məlumatına əsasən  Azərbaycanın bank sektoru bu ilin yanvar-mart aylarını 55,9 mln. manat xalis zərərlə başa vurub. Xatırladaq ki, bank sektoru bu ilin yanvar-fevral aylarından 141,3 mln. manat xalis mənfəətlə çıxmışdı.