Dövlət Gömrük Komitəsi (DGK) tərəfindən bu ilin 5 ayında 1 milyard 325 milyon 640 min manat büdcə daxilolmaları həyata keçirilib.

Azərtac xəbər verir ki, bu barədə Dövlət Gömrük Komitəsinin Maliyyə Tarif və Valyuta Nəzarəti Baş İdarəsi, Gömrük tariflərinin tənzimlənməsi şöbəsinin rəisi Əzizağa Hüseynov “Azərbaycan Gömrüyü: bu gün və sabahın çağırışları” mövzusunda jurnalistlər üçün keçirilən seminarda deyib.

O bildirib ki, bu ilin ilk 5 ayı üçün proqnozlaşdırılan büdcə daxilolmaları 964 milyon 710 min manat olsa da, 1 milyard 325 milyon 640 min manat təşkil edib.

Qeyd edək ki, ötən il büdcə daxilolmaları DGK tərəfindən 2 milyard 608 milyon 779 min manat olub.