Koronavirusa yoluxanların sayı 850 mini keçib.
Ovqat.com Ümumdünya Səhiyyə Təşkilatına istinadən xəbər verir ki, bu virusdan ölənlərin sayı isə 41 min 658-ə yüksəlib.
Məlumata görə, indiyədək sağalanların sayı isə 176 min 545-dir
Koronavirusdan ölüm nisbəti 19%-dir.
Qurban sayına görə İtaliya yenə son 24 saat ərzində bütün dövlətləri üstələyib – 837 nəfər. Bu gün ölənlərin ümumi sayının 3890 nəfər olduğunu nəzərə alsaq, İtaliyada dünya üzrə günlük ölümlərin 21.5%-i yaşanıb.
ABŞ 579 ölüm sayına görə 2-ci, İspanya 553 ölümlə 3-cü, Fransa isə 499 ölümlə 4-cüdür. 
Qeyd edək ki, son günlər koronavirusa statistikasında ciddi artım müşahidə olunur. Dünəndən bəri xəstəliyə yoluxanların sayı 65 min 643, ölənlərin sayı isə 3890 nəfər artmışdır. İndiyədək koronavirusa ən çox qurban verən İtaliyada yeni yoluxanların sayı ilk 4-lükdə yer alan digər dövlətlərin altına düşüb. 
İtaliya - 4053,
İspaniya - 6461,
Fransa – 7578,
ABŞ – 20087.
Bu isə o deməkdir ki, İtaliya yoluxma sahəsində pik nöqtədən aşağı düşür, digər ölkələr isə pik nöqtəsinə doğru yüksəlir. Gələcək həftələrdə ABŞ-ın ölüm sahəsində də bütün dövlətləri keçəcəyi gözlənilir.