Xəbər lenti

 
Türkiyənin Səhiyyə naziri Fəxrəddin Qoca ölkəsində 7 min 428 tibb işçisinin koronavirusa yaxalandığını bildirib.
 
Ovqat.com-un məlumatına görə, nazir bunu mətbuat nümayəndələriylə bugünkü söhbətində deyib: 
 
“Təəssüf ki,  səhiyyə işçilərinin arasında koronavirusa yoluxanların sayı artdı. Hazırda onların sayı 7 min 428-dir. Sayı 1 milyon 100 min olan tibb işçilərimizin 6.5% bu virusa yoluxub. Avropada bu nisbət orta hesabla 10-11 faizdir. Qəlblərimiz işçilərimizin heç birinin yoluxmamasını və həyatını itirməsini istəmir. Düşünürəm ki, bu müddət ərzində işçilərimiz üçün etməli olduğumuz hər şeyi edirik”.



Ümumdünya Səhiyyə Təşkilatının məlumatına görə, Türkiyədə bu gün 2 min 936 nəfərin koronavirusa yoluxduğu aşkarlanıb, 89 nəfər isə bu səbəbdən dünyasını dəyişib. Beləcə indiyədək koronavirusdan ölənlərin sayı 3 min 81, yoluxduğu təsbir olunanların sayı 117 min 589 nəfərə yüksəlib. 1 milyona yaxın insan isə koronavirus testindən keçirilib. 
Ovqat.com




Ana səhifəyə qayıt        Baxış: 2 923          Tarix: 29-04-2020, 20:30      

Xəbəri paylaş


Paylaş:   

Prizma