Rusiyanın baş naziri Mixail Mişustində koronavirusa yoluxma qeydə alınıb. 
 
Ovqat.com xəbər verir ki, faktı onun özü açıqlayıb.
 
Məlumata görə, Mişustin müalicə aldığı müddətdə Baş nazirin vəzifələrini müavini Andrey Belousov icra edəcək.
 
Qeyd edək ki, bundan əvvəl Böyük Britaniyanın Baş naziri eyni tale ilə üzləşmiş, onu çətinliklə xilas etmək mümkün olmuşdu.

Yenilənib (21.40):

Mişustinin koronavirusa yoluxması təsdiqlənib.
 
Ovqat.com xəbər verir ki, Putin baş nazirin müavini Andrey Belousovun hökumət başçısının vəzifələrini icra etməsi barədə qərar imzalayıb.
 
Aldığımız digər məlumata görə, Rusiya Prezidenti bütün dövlət yetkililərinin koronavirus testindən keçirilməsini tapşırıb.  Moskva meri Sergey Sobyaninin yoluxduğundan şübhə edilir. Belə ki, o, bugünkü çıxışında öskürmüş və bu şübhələrə yol açmışdır.

Qeyd edək ki, bundan əvvəl Rusiya ordusunda da koronavirus infeksiyasının yayıldığı bildirilmiş, 1044 əsgərdə bu yoluxma aşkarlanmışdı. 

Rus ordusunda koronavirus yayılır: 1044 əsgərdə yoluxma aşkarlanıb