Milli Məclisin vitse-spikeri Adil Əliyev Dağlıq Qarabağda aparılan hərbi əməliyyatlarla bağlı çox önəmli məlumatlar paylaşıb.
 
Ovqat.com vitse-spikerin statusunu oxucuları ilə bölüşür:
 
Azərbaycan Müdafiə Nazirliyi sentyabrın 27-dən bəri üç gün ərzində Qarabağda gedən döyüşlərin gedişində düşmənin canlı qüvvə və hərbi texnika sarıdan itkilərini açıqlayıb.
 
Nazirliyin təqdim etdiyi məlumata görə, sentyabrın 27-dən bu gün səhər saatlarınadək düşmənin 2300 nəfərədək canlı qüvvəsi məhv edilib və yaralanıb, 130-dək tank və digər zirehli texnikası, 200-dən artıq artilleriya, yaylım atəşli raket sistemləri, minaatan, 25-dək hava hücumundan müdafiə vasitələri, 6 komanda-idarəetmə və komanda-müşahidə məntəqələri, 5 silah-sursat anbarı, 50-dək tankəleyhinə vasitələr, 55 ədəd avtomobil texnikası məhv edilib və sıradan çıxarılıb.



Dünən gedən döyüşlər ərzində Xocavənd rayonunun Şuşakənd ərazisində düşmənin 1 S-300 zenit-raket qurğusu sıradan çıxarılıb.

İtirilmiş mövqeləri geri qaytarmaq üçün Madagiz istiqamətinə əlavə qüvvələr cəmləşdirən düşmən sentyabrın 30-u səhər saatlarından başlayaraq hücuma cəhd göstərib. Düşmənin bu fəaliyyətinin qarşısı alınır və onun müqavimətinin qırılması məqsədilə qoşunlarımız tərəfindən əks-həmlə əməliyyatı keçirilir.

Hazırda bütün cəbhə boyu hərbi əməliyyatlar davam edir.