Ermənistan Baş naziri Nikol Paşinyan Şuşada döyüşlərin davam etdiyini bildirib.
 
Ovqat.com-un məlumatına görə isə, “DQR”-dən gələn xəbərlər tamamilə başqa mətləblərdən xəbər verir.
 
“DQR” “prezidenti”nin mətbuat katibi Vəhram Paqasyan Şuşaya artıq nəzarət etmədiklərini boynuna alıb. O, hətta Azərbaycan ordusunun Xankəndinin girişinə qədər irəlilədiyini də etiraf edib.
 
Ümumiyyətlə, erməni mənbələrin yazdıqlarının analizi göstərir ki, öncü qüvvələrimiz taktiki hücumla düşmən hərbi birləşmələrini Laçına çəkib, Hadrut və Daşaltı istiqamətindən Xankəndinə girərək şəhəri mühasirəyə alıblar. 

Görünür, Paşinyan Şuşada döyüşlərin davam etdiyini deyərkən, Laçın-Şuşa arasında çətin vəziyyətdə qalıb geri qayıtmaq istəyən erməni əsgərlərinin mənasız cəhdlərini nəzərdə tutur. Onların isə qurtuluşunun bir yolu var: Laçın dəhlizindən istifadə edib Ermənistana qaçmaq.