Paşinyanın Rusiyaya “canıyanan”lığı bu dəfə də işə yaramayıb. Xatırlayırsınızsa Ermənistan Baş naziri “Azadlıq” radiosunun erməni xidmətinə sensasiyalı açıqlama verərək bildirmişdi ki, Azərbaycan xüsusitəyinatlıları Hadrutda nəinki erməni silahlılarını, həmçinin rus “sülhməramlı”larını da mühasirəyə alıb.
 
Ovqat.com-un məlumatına görə, Paşinyanın bu iddiasına cavab Rusiya Müdafiə Nazirliyindən gəlib.
 
Nazirlik “Dağlıq Qarabağdakı Rusiya sülhməramlı qüvvələrinin mühasirəyə alınması barədə məlumatların həqiqətə uyğun olmadığını” bildirib.
 
"Rusiya sülhməramlı qüvvələrinin Dağlıq Qarabağdakı bütün bölmələri istər müşahidə məntəqələrində, istərsə də atəşkəs rejiminə riayət olunmasına nəzarət zamanı tapşırıqları nizamlı bir rejimdə yerinə yetirir", - Rusiya Müdafiə Nazirliyinin rəsmi açıqlamasında deyilir.