Ukrayna zəlzələdən zərər çəkmiş ailələr üçün Türkiyəyə 101 ton humanitar yardım göndərib 

Ovqat.com-un məlumatına görə, Ukrayna Xarici İşlər naziri Dmitri Kuleba öz tvitter paylaşımında bu barədə bildirib.

Xarici işlər nazirinin sözlərinə görə, humanitar yardımlar An-124 təyyarəsi ilə İncirlik aviabazasına çatdırılıb.

"Yardım kampaniyası Fransa silahlı qüvvələri tərəfindən koordinasiya edilib, Ukrayna təyyarəsi ilə çatdırılıb, Türkiyə və Amerika hərbçiləri tərəfindən boşaldılıb. Biz müttəfiqlər olaraq çətin anlarda birləşirik", - Kuleba tvitter hesabında yazıb.