“Azərbaycan Beynəlxalq Bankı” (ABB) ASC 5 oktyabr - Müəllimlər günü münasibətilə təhsil işçiləri üçün özəl kampaniyaya başlayıb. 

Bu barədə “Report”a ABB-nin əmək haqqı kartına sahib hər bir təhsil işçisi oktyabrın 16-dək davam edəcək bu kampaniya çərçivəsində nağd pul kreditini güzəştli şərtlərlə ala bilər.

Kampaniya çərçivəsində veriləcək kreditin məbləği 15 min manatadək, kreditin müddəti 36 ayadəkdir. Həmçinin, bu kreditlərin illik faiz dərəcəsində 2 faiz bəndi endirim olacaq və faizlər 25%-dən başlayacaq.

Bundan əlavə kredit 3 min manata qədər olduqda zaminsiz, kreditin rəsmiləşdirilməsi isə komissiyasızdır.

Müxtəlif ehtiyacların qarşılanması üçün nəzərdə tutulmuş nağd pul kreditini ABB-nin bütün filiallarından almaq olar. Bunun üçün şəxsiyyət vəsiqəsi ilə Bankın filiallarına yaxınlaşmaq kifayətdir. Kredit rəsmiləşdirilən zaman müştəri avtoödəmə sisteminə qoşulmaqla aylıq kredit borclarının ödənişini banka gəlmədən həyata keçirə bilər.

ABB-nin məhsul və xidmətləri barədə məlumatları Bankın 36 filial və 40 şöbəsindən, www.ibar.az internet səhifəsindən, 937 nömrəli Məlumat Mərkəzindən, həmçinin rəsmi "Facebook" səhifəsindən əldə etmək olar.