Xəbər lenti
15-01-2021, 18:17

 Ləğv edilmiş Milli Təhlükəsizlik Nazirliyinin (MTN) Antiterror Mərkəzinin sabiq rəisi, general-mayor Elçin Quliyev və həmin Mərkəzinin əməkdaşı, polkovnik Azər Mehdiyevin cinayət işində bəzi detallar məlum olub.

Virtualaz.org saytının xəbərinə görə, MTN-in Antiterror Mərkəzi tərəfindən agentura şəbəkəsinə xərclənən pul vəsaitinin məbləği açıqlanıb. 

İttiham aktına əsasən, Antiterror Mərkəzində əməliyyat xərcləri maddəsi ilə ayrılmış vəsaitlərin xərclənməsinə dair arayışdan görünür ki, həmin keçmiş nazirliyin Maliyyə İdarəsindən daxil olmuş məlumatlara görə, 2011-2015-ci ilin hər 10 ayı ərzində əməliyyat xərcləri üzrə nəzərdə tutulmuş “9-cu maddə” üzrə Anti-Terror Mərkəzinə 8 milyon 319 min 533 AZN, 2 milyon 33 min 467 ABŞ dolları və 450 min

570 avro məbləğində pul vəsaiti verilib.

İttiham aktında qeyd edilib ki, əks-kəşfıyyat əməliyyatları işi üzrə cəmi 5 milyon 148 min 735 AZN və 1 milyon 358 min 500 ABŞ dolları pul vəsaitinin mənimsənildiyini qənaətinə gəlinib. 

Qeyd edək ki, E.Quliyev, A.Mehdiyev və digər şəxslər 2015-ci ildə həbs edilib. Həmin vaxt Səbail Rayon Məhkəməsi onun barəsində dörd ay müddətində həbs qətimkan tədbiri seçib. Sonradan həbs qətimkan tədbirinin vaxtı bir neçə dəfə uzadılıb.




Ana səhifəyə qayıt        Baxış: 526          Tarix: 13-05-2017, 11:03      


Paylaş:   

Ən çox oxunanlar